Par agns lì dal miedi si cjatâve il manifest ancje in lenghe furlane. In zonte ca parsore chel dal 2006.
Ma cumò al va di mode in regjon scancelâ la lenghe furlane di ogni bande e gjavâi simpri di plui visibilitât publiche! Misteri di une regjon a autonomie speciâl in gracie des minorancis linguistichis…..
Il disgraciât ddl 68/2019 fat bon di pôc in Consei regjonâl in gracie di un assessôr triestin e de “Lee Salvini”, nol è un fat isolât.
Nus risulte che nancje a paiâle la societât regjonâl “FriuliVeneziaGiuliaStrade” e met un cartel stradâl bilingâl talian-furlan dulà che a son a stâ i furlans!!
Dut e dome par talian o (dopo protestis de minorance slovene) bilingâl talian-sloven. Une vergogne massime!! Une sielte politiche che e dinee i dirits linguistics dai Furlans e no rispiete la leç 482/99. Ma al pâr che al vadi ben cussì e lis protestis furlanis no son stadis scoltadis….
La lenghe furlane pe politiche e burocrazie regjonâl (soredut chê triestine)?
Une lenghe di fâ sparî insiemi al popul che la fevele e il teritori dulà che al vîf: dut Vignesie Julie e che il Friûl al sparîsi insiemi ae sô storie, lenghe e culture….
Par intant in regjon e àn gjavât il tratin jenfri Friûl e Vignesie Julie (ancje se la Cort Costituzionâl lu met simpri!!): par netâ vie il Friûl, il popul Furlan e la lenghe furlane, a son daûr a fâlu un pôc a la volte….