FRIÛL = LA NAZION DINEADE
Da une biele interviste al regjist Massimo Garlatti-Costa publicade sul mensîl “La Patrie dal Friûl” ( numâr 10 dal 2019) – servizis di Erika Adami – o gjavìn fûr il prim tocut:
“Predis, la nazione negata” al conte la storie dal indipendentisim furlan intal Nûfcent, traviers des figuris di trê predis furlans combatents – pre Bepo Marchet (1902-1966), pre Checo Placerean (1920-1986) e pre Antoni Beline (1941-2007)-, che a àn cirût di sveâ il lôr popul par fâi torna a cjapâ cussience de proprie storie, culture, lenghe, ma massime de proprie identitât. Trê predis plui di azion che di contemplazion, plui esperts di politiche che di mistiche. “Il lôr messaç al è ancjemò vîf e ducj, ognidun di noaltris, o podìn cjapâ sù cheste ereditât e fâle nestre” al dîs il regjist Massimo Garlatti-Costa. (…..)
UN CINE DOCUMENTARI SUL FRIÛL,
CONTÂT AE INT PE INT
La prime di PREDIS
e sarà inte suaze dal Festival Suns Europe
vINÂRS 29 DI NOVEMBAR – oris 20.30
CINE CENTRÂL A UDINE
