Riceviamo da Bepi Agostinis
e pubblichiamo
LA LENGHE FURLANE
NO JE DI ÇAMPE E NANCJE DI DRETE
O volarès che cualchidun mi sclarìs se la culture furlane in gjenerâl e à un colôr politic. Jo o pensavi di no. Dacuardi che cu la culture, in particolâr cul teatri, si puès fâ politiche. Ma il gno impen pal “Teatri Stabil furlan” lu ài fat dome pe valorizazion de nestre lenghe.
In 30 agns o soi lât a fevelâ sedi cui politics di çampe che di drete, finalmentri vuê o ai vude la fortune che la Zonte di drete che a guvierne la citât di Udin, a à capît la impuartance, scomençant dal sindic Pieri Fontanin, che al à cjapât a cûr cheste mê bataie, no dome vuê ma ancje di cuant che al jere President de Provincie. Propit in chei agns e je stade realizade par doi agns la Compagnie de “Farie teatrâl furlane” dulà che al à colaborât ancje il Comun di Udin guviernât de çampe, prin cul assessôr Luigi Reitani e daspò cul asssessôr Federico Pirone, che a son stâts simpri coerents al impen cjapât par fâ nassi “la Farie”, e no dome, mi àn dade une man ancje pe publicazion dai miei doi libris su la Art e sul Teatri in Friûl.
La prof.e E. Marioni, Presidente de Comission Culture dal Comun di Udin, mi veve invidât par fâ une mê relazion, dulà che o ai sclarît la impurtance di chest “Stabil” pe valorizazion de lenghe. Ducj a vevin in man un gno document, che tra lis altris o laudavi il compuartament dai assessôrs des Zontis precedentis di çampe, su chest argoment.
Duncje, o jeri plui che convint che la votazion sul “Teatri Stabil furlan” e fos unanim; grande la mê delusione e grant marum.
La çampe si je astignude. Tai doi intervents che àn fat, une vore ingredeâts: pocje int che interesse il Teatri furlan e pocjis salis tal Friûl; puartant numars e suposizions cence fondaments.
I teatris in Friûl, no son dome 5 o 6 ma 22 e ducj pal zîr dai professioniscj, organizâts dal ERT (Ente Regjonâl Teatrâl), duncje la Compagnie e varès un biel zîr di rapresentazions, oltri al Zuan di Udin, e te mê intenzion ancje fûr dal Friûl.
La mancjance di spetatôrs pal Teatri furlan!! Bastarès che si visassin dai doi spetacui presentâts de ”Farie” al Teatri Zuan di Udin, plenon. E come che la à pandût il President dal Teatri Gianni Nistri ancje tai agns de nestre zoventût, cuant che al vignive presentât un lavôr furlan fat cun serietât cuasi professionâl, a vevin di organizâ diviersi seradis par contentâ dute la int. Chest par dimostrâ che il Teatri furlan a Udin al à simpri vût sucès, îr e vuê, cussì ancje in dut il Friûl.
Cheste mancjance dal vôt, mi somee, come un ordin dal alt, la oposizion no pues dâ parê favorevul a une propueste fate de majorance, ancje se si tratave dome di fâ alc di impuartant pe nestre lenghe.
Sono chescj i furlans?
…………………..
E così si è espresso l’ARLeF, a mezzo del suo Presidente Eros Cisilino, nel Comunicato Stampa che abbiamo ricevuto:
ARLeF: un sì convinto al Teatri Stabil Furlan
